Këpucët e markës së njohur “Jimmy Choo” janë veshur nga 4 vajza të showbizit shqiptar në ditën e tyre të madhe. Këngëtarja Xhensila Myrtezaj, moderatoret Marina Vjollca, Jona Spahiu dhe së fundmi Elita Rudi janë 4 nuset që zgjidhën të vishnin këpucët nga e njëjta markë. Arsyeja?
“Jimmy Choo” është marka luksoze e këpucëve që u krijua nga njeriu me të njëjtin emër i cili lindi në Penang, në Malajzi. Choo u rrit në familjen e tij artizanësh të këpucëve. I ati ishte këpucar dhe e ka inkurajuar gjithmonë të ndiqte rrugën e tij. Dhe kështu ndodhi vërtet: në moshën 11 vjec krijoi këpucën e tij të parë dhe që prej atëherë, nuk ndaloi më.
“Kam lindur në një familje artizanësh të këpucëve; kur isha 7 apo 8 vjec, pasi mbaroja detyrat shkoja në dyqan dhe rrija e kundroja sesi im atë punonte bashkë me ndihmësit e tij,”- ka rrëfyer Choo.
Por e para që ka përzgjedhur të përdorë këpucë të kësaj firme për evente të mëdha ka qenë pikërisht princeshë Diana. Dhe me siguri ky detaj i ka frymëzuar edhe nuset shqiptare që të përdorin këpucë të së njëjtës firmë.
Familja mbretërore edhe sot e kësaj dite përdor të nëjjtën markë këpucësh për raste të veçanta. Meghan dhe Middleton janë sigurisht më të fiksuarat. Madje me këtë të fundit dizenjatori i famshëm është takuar në vitin 2014.
Komente
