Fitorja në ndeshjen e fundit me Islandën ka kthyer optimizmin te Kombëtarja shqiptare dhe kjo duket jo vetëm në deklaratet e trajnerit Reja apo futbollistëve, por edhe te një legjendë e futbollit shqiptar si Sulejman Demollari. Në një intervistë për ‘Report TV’, Demollari thotë se kuqezinjtë kanë shanset për t’ia dalë të premten në Turqi pavarësisht se në ndeshjen e parë në Shkodër u mposhtën 0-2.
“Ndeshja më ndeshjen nuk ngjan, ndryshon 100 perqind. Unë personalisht mendoj se nëse skuadra jep maksmimumin, është e motivuar, pse jo nuk e merr një rezultat pozitiv. Fakti që humbën në ndeshjen e parë nuk do të thotë se duhet të shkojmë me këtë mendim.”
I pyetur nëse ky është moment i duhur që trajneri Reja të bëjë rinovimin e Kombëtares me element të rinj Demolarri përgjigjet:
“Ajo është edhe politikë e në projektin e federatës së bashku me stafin teknik. Ky edicion pse jo mos të shërbejë për të ardhmen, për t’u kualifikuar në finalet e botërorit.”
Sipas ish-futbollistit të Kombëtares nuk do të ishte aspak zhgënjyese nëse Shqipëria nuk kualifikohet, por renditet në vendin e tretë.
“Unë them nëse e mbyllim në vendin e tretë është një klasifikim I pëlqyeshëm duke parë potencialin e ekipeve që ne këmi në grup.”
Ne.k.//ReportTv.al
