FRANCË, Paris - Paris Saint Germain (PSG) duket se i ka idetë e qarta me nënshkrimin që ende nuk është zyrtarizuar të Lucas Chevalier nga Lille. Kjo do bënte që vendi i titullarit në portë nuk do t'i përkasë më Gianluigi Donnarummës. Portieri italian, i lindur në vitin 1999, luajti një rol kyç sezonin e kaluar, duke kulmuar me titullin e parë historik të klubit në Champions League, por tani ai e gjen veten të detyruar të kërkojë një pozicion të ri.
Siç dihet prej muajsh, procesi i rinovimit me PSG-në është bërë jashtëzakonisht i ndërlikuar, duke ngecur plotësisht. Palët nuk arritën kurrë një konsensus për një kontratë të re sepse Gigio, një nga lojtarët më të paguar në skuadër, me 850.000 euro në muaj, kërkoi një rritje dhe refuzoi të pranonte strukturën e re të pagave të imponuar nga drejtori sportiv Luis Campos gjatë dy viteve të fundit. Një pagë bazë më e ulët me stimuj të rëndësishëm të lidhur me performancat individuale dhe të ekipit.
Shtyrja e mëtejshme e klubit francez erdhi më pas nga Luis Enrique, i cili donte një portier më të aftë për të krijuar lojë me topin në këmbë dhe nga thellësia. Ashtu si Chevalier.
Me një vit të mbetur në kontratë me PSG-në, Donnarumma është detyruar të largohet që këtë muaj. Sipas ESPN , priten oferta nga Chelsea, Manchester United dhe madje edhe Interi i Chivusë. Të gjitha klubet thuhet se kanë qenë tashmë në kontakt me agjentin e lojtarit, Enzo Raiola.
Komente
Urojme qe PSG te marre Simon Simonin nga Gjermania e ka super portier ! Talent dhe i ri
Përgjigju