Receta

Pulë frikase me kërpudha, receta ideale e drekës tuaj nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

20 Shkurt, 11:35| Përditesimi: 20 Shkurt, 11:47

  • Share

Pulë frikase me kërpudha

Përbërësit:

  • 600 gr mish pule
  • 300 gr kërpudha të freskëta
  • 1 qepë mesatare
  • 2 thelpinj hudhër
  • 2 lugë gjelle gjalpë
  • 2 lugë gjelle vaj ulliri
  • 100 ml qumësht
  • 200 ml lëng pule
  • 1 lugë gjelle miell
  • Kripë dhe piper sipas shijes
  • Trumzë ose majdanoz për aromë

Përgatitja:

Në një tigan të madh, ngrohim vajin e ullirit dhe gjalpin. Skuqim mishin e pulës derisa të marrë një ngjyrë të artë nga të dyja anët. E heqim dhe e lëmë mënjanë. Në të njëjtin tigan kaurdisim qepën dhe hudhrën. Shtojmë kërpudhat dhe i lëmë të skuqen dhe sapo të avullojë uji që lëshojnë, shtojmë miellin dhe e përziejmë mirë për disa minuta. Më pas hedhim lëngun e pulës dhe e përziejmë mirë që të mos krijohen kokrriza. Më pas shtojmë qumështin dhe e lëmë të ziejë ngadalë. Vendosim mishin e pulës përsëri në tigan dhe e lëmë të ziejë për 15-20 minuta derisa mishi të jetë i butë dhe salca të trashet. Në fund rregullojmë shijen me kripë, piper dhe trumzë ose majdanoz.

MC/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?