Reforma, 40 punëtorë mbeten pa punë në Portin e Shëngjinit

Nga janari 40 punonjës të Portit të Shëngjinit do të mbeten pa punë për shkak të reformës në këtë institucion. Aktualisht punonjësit nuk kanë marrë pagat, ndërsa thanë se largimet nga puna po bëhen mbi baza politike. Në mbështetje të kauzës së tyre doli dhe deputetja e PD, Lindita Metaliaj

29 Dhjetor 2023, 11:48| Përditesimi: 29 Dhjetor 2023, 14:55

  • Share

40 punonjës të portit të Shëngjinit nga Janari i 2024 do të mbeten pa punë, pasi ndërmarrja do të reformohet. Po kështu prej dy muajsh ata nuk marrin pagat për shkak të krizës financiare që ka prekur këtë ndërmarrje.

Protestuesit u mblodhën në hyrje të institucionit, duke akuzuar drejtuesit për keq menaxhim dhe abuzime me të ardhurat. Protestuesit shprehen se reforma po bëhet selektive dhe me prapavije politike.

Shqetësimit të punonjësve të portit iu bashkua dhe deputetja e Partisë Demokratike në Qarkun e Lezhës, Lindita Metaliaj e cila kërkon nga prokuroria të hetojë ndërmarrjen.

Drejtoria e Portit Shëngjin jashtë kameras tha se reforma prek 40 punonjës nga 130 që janë aktualisht dhe vjen për shkak të mungesës së të ardhurave. Gjatë gjithë vitit 2013, punonjësit kanë protestuar për vonesa në shpërndarjen e pagave. Porti Detar Shëngjin është shoqëri aksionere me pronar Ministrinë e Ekonomisë.

 

M.Q./ReportTv.al
Komento

Komente

  • Edi: 29/12/2023 18:34

    Mot më mirë, shkruani fajin e ka Saliu dhe kalon.

    Përgjigju
  • Era: 29/12/2023 16:04

    Mos u mërzitni. Vitin tjetër do vijnë refugjatët. Do keni punë boll. Gëzuar!

    Përgjigju
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?