Në ditën e dytë të Vitit të Ri, kushtet atmosferike nuk kanë penguar aspak qytetarët e Tiranës për të dal në sheshin Skëndërbej, për t’ju gëzuar ditës së pushimeve.
Kryeqytetasit, por edhe miqtë e ardhur për festa kanë shkundur përgjumjen pas natës së ndërrimit të viteve duke iu rikthyer normalitetit. Shumë prej qytetarëve zgjodhën që kafenë e parë të 2024 ta pinë në Sheshin Skënderbej ku atmosfera e festës vijon.
Moti i pazakontë për janarin, në shesh ka rikthyer edhe fëmijët që nuk duan ta ndahen nga lodrat dhe atmosfera e festës.
Të rrallë shihen të rinjtë, për të cilat festat mbyllen në orët e vona të natës. Ndërsa për të tjerë rinis puna me urimet për një vit më të begatë të ardhurash financiare.
“Vetëm shëndet e jetë të kemi, familje të bashkuar, edhe lekët mos t’na mungojnë”, u shpreh qytetaria për Report Tv.
Cilat janë pritshmëritë për vitin 2024, dëshirat që ju keni?
“Kryesorja është shëndeti, të tjerat vijnë vetë pastaj”, u shpreh qytetarja.
Si e festuat dhe me kë festuat ju?
“Festuam shumë mirë, me njerëzit, familjen, nipërit dhe mbesat. E kaluam për mrekulli. Po insh’Allah ecën më mirë, bëhet më mirë në 2024-ën, të rriten më shumë pensionet, këto duam ne”, u shpreh një tjetër qytetare.
Në sheshin Skëndërbej qyteza e magjishme e festave do të qëndrojë për qytetarët deri në 6 janar. 3 janari rikthen në funksion institucionet publike ndërsa në 8 janar rinis edhe viti shkollor.
