Ish-zëvendësministrja e Brendshme, Elona Gjebrea tha në Report Tv se Shqipëria ka mjaftueshëm kapacitete për të pritur emigrantë nga Ukraina dhe se mund të presë edhe më shumë nëse organizohet më mirë. Ajo shtoi se Shqipëria është një vend mikëpritës dhe në këto momente të vështira për popullin ukrainas po tregohet solidare.
“Shqipëria është shumë mikpritëse ndaj refugjatëve. Ka kapacitet për të pritur emigrantë, vetëm se duhet të organizohet. Të mos harrojmë vëmendjen tek zona e luftës edhe të jemi të kujdesshëm me të gjitha mundësitë qe kemi. Shqipëria ka edhe një rol të rëndësishëm në Këshillin e Sigurimit, e ka treguar veten.”, tha ajo.
E ftuar në “Sot Live në Shqipëri” me gazetarin Andi Kapxhiu Gjebrea tha se pavarësisht tentativave për negociata lidhur me konliktin Ukrianë-Rusi, nuk është arritur asgjë, ndaj dhe situata tani paraqitet katastrofale.
“Ka shumë vite që bëhen negociata, për të gjetur një zgjidhje në konfliktit Rusi-Ukrianë. Kemi marrëveshjen e Miskut. Megjithatë nuk është arritur dhe jemi në një situatë katastrofale. Është dëshpëruese kur shohim dhe miliona refugjatë që po braktisini vendin e tyre të dëshpëruar.”, tha ajo.
Sipas saj Rusia nuk e ka pritur këtë rezistencë të guximshme nga populli ukrainas edhe pse forcat ruse janë më të përgatitura dhe kanë më shumë kapacitet.
“Është e dukshme që ukrainasit kanë bërë rezistencë të fortë. Në të gjitha aspektet Rusia ka epërsi sa i përket pajisjen me forca ushtarake, tanke dhe mjete luftarake. Në një farë mënyrë Ukraina ka treguar një fuqi rezistence.”, u shpreh ish-zv ministrja.
Komente
REFUGJATET COJA SHEFIT TEND NE SHTEPI SE KA SARAJET NE SURREL,,,DHE ILIR METES E SALI BERISHES TEK GJIRI I LALEZIT...KANE PALLATE ATJE,,,TE BERA ME LEKET E VJEDHURA POPULLIT...
Përgjigju