Puthja e një çifti nga Britania e Madhe ka ndriçuar qiellin në Zakynthos, ku një rrufe e fuqishme dhe mahnitëse u duk në horizont teksa të porsamartuarit po pozonin.
Një moment mbresëlënës është regjistruar nga kamera mbrëmjen e së premtes në Zakynthos gjatë dasmës së një çifti nga Britania e Madhe.
Të porsamartuarit pozuan në sfondin e blusë së thellë mes një stuhie që po vinte për të bërë foto dhe video. Dy të rinjtë puthen, nusja ngre buqetën dhe më pas ndodh e papritura.
Qielli ndizet dhe një rrufe shfaqet mbi detin pranë tyre. Ky zhvillim nuk i pengoi dhe nuk i trembi aspak të porsamartuarit. Kameramani Haris Pomonis ka postuar klipin në Instagram, duke shkruar: “Kjo puthje le të ndriçojë qiellin tuaj përgjithmonë”.
Komento
