Presidenti rus Vladimir Putin ka falënderuar zyrtarisht presidentin amerikan Donald Trump pasi Rusia arriti të shmangte një sulm terrorist në Shën Petersburg falë një këshille nga amerikanët. Trump personalisht kishte paralajmëruar Putin më 27 dhjetor se dy persona, me emër e mbiemër, njëri prej të dyve ishte betuar për besnikëri ndaj Isis, po përgatiteshin të kryenin një sulm gjatë festimeve të Vitit të Ri.
Nuk është hera e parë që Shtetet e Bashkuara i kanë ofruar Rusisë këto lloj informacionesh. Dy vjet më parë një informacion nga Uashingtoni pengoi një sulm me bomba në katedralen e Shën Peterburgut.
Të dy presidentët - sipas Kremlinit u pajtuan të mbajnë një linjë të drejtpërdrejtë komunikimi për luftën kundër terrorizmit. Në lidhje me falënderimin e Putin, nga Shtëpia e Bardhë ende nuk ka patur asnjë koment.
Komente
