1-Përse u dashka që Kosova t’i paguaj çmim sovraniteti dhe integriteti Serbisë për njohjen, kur shtetet e tjera, që dolën nga ish-Jugosllavia, nuk i dhanë gjë Serbisë në shkëmbim të njohjes?
2-Përse u dashka që Kosova t’i bëjë kompromise të reja të dhimbshme tani një shteti që bëri agresion kundër Kosovës, dhe kur kompromiset e dhimbshme kanë marrë fund me planin Ahtisaari?
3-Me çfarë të drejte dhe norme ndërkombëtare juridike i kërkohet Kosovës t’i japë pjesë nga sovraniteti dhe nga integriteti i vet Serbisë, shtetit që humbi luftën në 1999? A i kanë lexuar Prishtina dhe Tirana traktatet e paqes dhe marrëveshjet e paqes midis shteteve fituese dhe shteteve të mundura në luftë?
4-Kush ka qenë ai i mençur, që i ka mbushur mendjen Prishtinës dhe Tiranës se karrikja në OKB është për Kosovën prioritet më i rëndësishëm se njohja nga Serbia?
5-Përse diplomacia ndërkombëtare nuk i lejoi Serbisë të kërkonte mikroshtete etnike serbe në Kroaci, Mal të Zi e Maqedoni, dhe po e lejon tani me Kosovën?
6-Me çfarë të drejte zyrtarët më të lartë të Tiranës dhe Prishtinës pranojnë të diskutojnë në darka dhe në ahengje serbe ndarjen e Kosovës apo coptimin e saj?
7-A duhet të ketë iluzione për bisedimet midis Kosovës dhe Serbisë për marrëveshjen përfundimtare, kur nga mëngjesi në darkë udhëheqësit serbë vazhdojnë të shpallin se nuk do ta njohin kurrë Kosovën dhe a nuk është i papranueshëm ky kusht paraprak bisedimesh?
8-A duhet të lejohet që Kosova të humbë në paqe atë liri e sovranitet, që fitoi në luftë me gjak dhe me ndihmën e NATO-s në vitin 1999?
9-A kanë të drejtë shqiptarët si komb të vazhdojnë të ankohen për Konferencën e Londrës të vitit 1913 apo për Europën e përkufizimit të Fishtës, kur ata vetë në shekullin 21, kur kanë dy shtete shqiptare, po gjymtojnë me duart e veta integritetin territorial tokësor dhe detar të kombit?
10-Çfarë fiton Shqipëria dhe kombi shqiptar, nëse Tirana po favorizon lojën diplomatike të Serbisë në dëm të Kosovës?
11- A duhet të pranohet alibia e shtetarëve shqiptarë se duhet të lëshojmë sovranitet dhe integritet se “na e kërkojnë aleatët” dhe a mund të quhen aleatë ata, që sugjerojnë humbje të lirisë dhe të sovranitetit të kombit?
12-A e ka kuptuar Tirana dhe Prishtina se kjo ngutje e Kosovës tani për të bërë marrrëveshjen me Serbinë i leverdis Serbisë, e cila ka shtatë vjet që e sjell vërdallë Kosovën në tryezën e bisedimeve në Bruksel pa iu afruar njohjes?
13-Si harrojnë Prishtina dhe Tirana se në tryezën e bisedimeve me Serbinë duhet të ishte shtruar çeshtja e reparacioneve të luftës dhe e pjesës së Kosovës në trashëgiminë ish-jugosllave, që ia ka grabitur Serbia?
Komente
Ne te gjitha pyetjet qe ngre Shabani,pergjigjia eshte brenda tyre,e qarte dhe e drejtperdrejte.....Realisht shume "ndihmuese" per politikanet dhe udheheqesit shteterore,vecanerisht per ato te Kosoves,por edhe per Tiranen zyrtare,e cila nuk ka nevoje te beje "filozofi".Thjesht te lexoje dhe te qendroje brenda tyre,perderisa nuk eshte e zonja te "prodhoje mbrojtje" me te mire te asaj cka eshte arritur.Thjesht te qendrohet brenda kesaj "kornize" te plote te mbrojtjes se statusit te arritur,te Kosoves. Duhet ti jemi mirenjohes Shabanit,ne,por me shume politikanet,te cilet kane detyre mbojtjen e integritetit te Kosoves,arritur me shume sakrifica,gjate nje kohe shume,shume te gjate.Lymi Tutit
Përgjigju