Parlamenti i Spanjës ka miratuar dekretin e qeverisë së pakicës për kursimin e energjisë, duke ratifikuar një sërë masash jopopullore në fuqi që nga 10 gushti, që administrata thotë se tashmë ka ulur konsumin e energjisë elektrike.
E prezantuar si pjesë e shtytjes së Bashkimit Evropian për të t’u shkëputur nga përdorimi i gazit rus, kursimet emergjente të energjisë, përfshijnë që nga kufizimet e detyrueshme lidhur me kufijtë e ftohjes ose ngrohjes deri te fikja e dritave në ndërtesat publike dhe në vitrinat e dyqaneve.
Nëse masat, të miratuara me 187-161 vota, do të ndihmojnë Spanjën të përmbushë angazhimin e saj evropian për të ulur përdorimin e gazit me 7 për qind, mbetet për t'u parë, megjithatë, pasi ndërmarrjet kanë përdorur më shumë gaz kohët e fundit pas një thatësire të madhe dhe prodhimin hidro-elektrik të kufizuar. Masat e mëtejshme priten muajin e ardhshëm, shkruan “Al Jazzera”.
Partitë kryesore opozitare i kanë kritikuar masat si të improvizuara, joefikase dhe të dëmshme për ekonominë.
