KAMËZ-Burrë e grua janë qëlluar me armë zjarri mbrëmjen e sotme në Tiranë. Të dy kanë mbetur të plagosur. Autori nuk është identifikuar akoma. Gruaja është jashtë rrezikut për jetën, kurse burri është në operacion për momentin, është më rëndë.
Është qëlluar në drejtim të çiftit të bashkëshortëvem, Preng Paluca dhe bashkeshortja e tij Antoneta Paluca.
"Rreth orës 22:15, në rrugën “Kosova”, Kamzë, në rrethana ende të paqarta, në afërsi të banesës së tyre, janë plagosur dyshohet me armë zjarri pistoletë, shtetasi P. P., rreth 50 vjeç dhe bashkëshortja e tij shtetasja A. P., rreth 41 vjeçe, të cilët u dërguan në spital, dhe ndodhen nën kujdesin e mjekëve. Shërbimet e Policisë kanë shkuar menjëherë në vendngjarje, kanë bërë rrethimin e zonës dhe po kryejnë kontrolle me qëllim kapjen e autorit. Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit", thuhet në njoftimin e policisë.
