TIRANË- Pothuajse 6 muaj që prej incidentit të 6 dhjetorit ku u godit me grusht ish kryeministri Sali Berisha, ekspertiza mjeko-ligjore ka dalë në përfundime për gjendjen mendore të autorit. Bëhet fjalë për Gerti Shehun, i cili në protestën e bërë nga Berisha, (në të njëjtën ditë që u mbajt edhe samiti i liderëve të BE-së në Tiranë), e goditi me grusht në fytyrë.
Sipas burimeve të gazetares së Report Tv, Keti Banushi, pas ekspertizës Prokuroria e Tiranës ka kërkuar shtrim në spitalin psikiatrik për Gerti Shehun. Sipas ekspertizës mjeko-ligjore, agresori i Berishës rezulton ‘jo i qëndrueshëm mendërisht’.
Megjithatë duhet theksuar se ish kryeministri Berisha, e shfrytëzoi edhe këtë incident të tijin politikisht. Aso kohe, kreu i Rithemelimit ka akuzuar kryeministrin dhe qeverinë Rama se kishte gisht në këtë sulm ndaj tij. Ndonëse, kjo retorikë u pasua edhe nga mbështetësit e tij, në një prononcim të Report Tv mjeku i tij e konfirmoi qysh më 6 dhjetor se Gert Shehu vuante nga probleme të shëndetit mendor.
Report Tv siguroi edhe dokumentin, ku evidentohet qartë diagnoza e mjekut se i riu vuante nga ‘Çrregullim psikotik i papërcaktuar’.
Nga ana tjetër, kryeministri Edi Rama kërkoi që të zbardhet akti i sulmit që e konsideroi të pajustifikueshëm.
Komente
Nese eshte me probleme te shendetit mendor, Turp per Prokurorine qe zgjati 6 muaj hetimet dhe e mbajten ne burg.
PërgjigjuDrejtesi e shkarfanjitur dhe e kapur per gryke nga trioja Edvin@Salih@Like. Ky derëziu gertishehu u manipulua nga likeleshi per te kryer ate veprim. Kthejuni e rikthejuni videos si zgerdhihet likja kur salihu merr grushtin turinjve....ka prove me te forte se kjo??? Prokuroria te therriste dhe ta pyeste si te erdhi dhe nga te erdhi tere ajo kenaqesi duke qeshu
PërgjigjuPo do te dergohet ne psikiatri se bashku me Saliun apo vetem ? Te pakten te jene neper dhoma te vecanta...
Përgjigju