Tiranë- Një 61-vjeçar i cili ka qëlluar me automatik në ajër për të kërcënuar vëllain e tij, pasi i dhunoi të bijën është arrestuar në Paskuqan.
Në pranga ka rënë edhe vëllai i tij, i identifikuar si Adem Marku.
Ndërkohë 61-vjeçari Mazllam Marku, rezulton me precedent për kundërshtim të punonjësit të Policisë.
Nga pamjet e siguruara nga efeketivët e policisë është publikuar edhe momenti kur Mazllam Marku qëllon me kallash dhe të shtënat ndihen në zonë.
"Shërbimet e Komisariatit të Policisë Nr. 5, sapo janë njoftuar për një konflikt mes 2 vëllezërve në Paskuqan, kanë organizuar punën dhe kanë shkuar në vendngjarje, për të nxjerrë autorët para përgjegjësisë penale dhe për të sqaruar rrethanat e rastit.
Si rezultat i ndërhyrjes së menjëhershme, shërbimet e Policisë kanë neutralizuar të dy shtetasit e përfshirë në konflikt, konkretisht M. M., 61 vjeç (me precedent për kundërshtim të punonjësit të Policisë) dhe A. M., 63 vjeç, vëllezër, të cilët në përfundim të veprimeve procedurale u arrestuan në flagrancë.
Nga veprimet hetimore të kryera dyshohet se shtetasi M. M. qëlloi me armë zjarri kallashnikov, në ajër, për të kanosur shtetasin A. M., i cili i kishte dhunuar vajzën", informoi sot policia.
Materialet procedurale iu referuan Prokurorisë së Tiranës, për veprime të mëtejshme.
Komente
