E kush nuk i pëlqen bastet sidomos kur “fshehin” edhe çmim pas fitores? Sivert Klefsass fitoi 1800 dollarë, pasi qëndroi larg rrjeteve sociale për 6 vite.
I riu amerikan ia arriti të qëndronte larg rrjeteve sociale për 6 vjet, pas një basti që vendosi me nënën e tij kur ishte 12 vjeç.
Sivert Klefsaas, pranoi sfidën e nënës së tij Lorna Goldstrand Klefsaas në 2016 se po të qëndronte deri 18 vjeç larg rrjeteve sociale do të fitonte 1800 dollarë.
“Mendova se ishte diçka fantastike. Çfarë janë 6 vjet për mua”, tregon Sivert atë që mendonte në momentin e vendosjes së sfidës. Më 19 shkurt, ai e përfundoi afatin e sfidës dhe futi në xhep 1800 dollarë.
Nëna e tij, Lorna tregon se për këtë gjë u frymëzua nga një emision në radio ku kishte dëgjuar një nënë që i kishte propozuar vajzës së saj 16-vjeçare të qëndronte 4 vjet larg rrjeteve sociale për 1600 dollarë.
Po ju a do të pranonit të qëndronit larg rrjeteve sociale për 6 vite?
