Projektligjin për zgjerimin e kufirit detar të Greqisë me 12 milje në Detin Jon, qeveria greke e ka dërguar parlament. Është planifikuar që projektligji të kalojë në Komisionin e Çështjeve të Jashtme dhe Mbrojtjes të martën e javës së ardhshme më 12 Janar dhe 3 ditë më vonë, ligjvënësit grekë mund t’i bëjnë një rishikim tjetër përpara se të prezantohet në seancë plenare më 19 Janar.
Projektligji përmban 5 nene kryesore. Në veçanti neni i parë, tregon se ky ligj do të aplikohet në të gjithë zonën detare nga pika më veriore e rajonit të ishujve Jonianë, deri në Kepin Tainaro në Peloponez.
Në një paragraf të dytë theksohet se Greqia ka të drejtën e saj të shtrojë të drejtat në territoret ku i takon me ligj ndërkombëtar.
Neni 2 i projektligjit i referohet zonave bregdetare. Në paragrafin e parë theksohet se gjerësia e zonave bregdetare do të caktohet pas hapësirës ajrore në zonë dhe do të llogaritet 1 deri në 12 milje nga vija fillestare, duke përfshirë mbylljen e gjireve apo linjat e drejta.
Edhe neni i tretë i referohet shtrirjes së zonave bregdetare. Neni katër ka të bëjë me peshkimin, ndërsa neni pesë parashikon hyrjen në fuqi të ligjit menjëherë sapo të botohet në fletoren zyrtare.
Kryetari i Parlamentit Konstantinos Tassoulas ka deklaruar se do të ushtrojë të drejtën që çdo deputet të votojë që ky projektligj të marrë shumicë të cilësuar.
Komente
Fuck greece...
Përgjigju