Qofte me gjizë dhe bimë aromatike
Përbërësit:
- 500 gr gjizë
- 2 kokrra vezë
- 2-3 qepë të njoma
- 1 tufë majdanoz
- 1 tufë nenexhik
- 3 thelpinj hudhër
- 3 lugë supe miell
- 3 lugë supe vaj ulliri
- Pak sodë buke
- Vaj për skuqje
- Piper i zi dhe kripë
- Arrë moskat
Përgatitja:
Në një tas hedhim gjizën, vezët, piperin e zi, arrën moskat, majdanozin, mendrën e grirë imët, qepët e freskëta të grira, vajin e ullirit, hudhrat e grira ose të shtypura, sodën dhe miellin, të shpërndarë në të gjithë sipërfaqen dhe e punojmë me dorë derisa të na formohet një masë e lidhur. Rregullojmë shijen e kripës, aq sa duhet dhe e punojmë përsëri me dorë. Më pas e mbulojmë dhe e lëmë rreth 20-30 minuta, me qëllim që të marrë shijen e erëzave. Në një pjatë të cekët hedhim 3 lugë miell të përzier me pak peksimadhe. Formojmë qoftet me një masë luge, pak të sheshta e i kalojmë në miell nga të dyja anët. Skuqim qoftet në vaj të nxehtë derisa të marrin ngjyrë të kuqërremtë dhe i shërbejmë menjëherë të ngrohta spërkatur me pak majdanoz.
Komente
