Receta

Qofte me kunguj të njomë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

17 Qershor, 11:33| Përditesimi: 17 Qershor, 11:34

  • Share

Qofte me kunguj të njomë

Përbërësit:

  • 1 kg kunguj të njomë
  • 1 lugë çaji hudhër pluhur
  • 2.5 lugë gjelle niseshte misri
  • 2 të bardha vezësh të mëdha
  • Kripë, piper i zi

Përgatitja:

Lajmë dhe presim shumë hollë kungujt me thikë të mprehtë. I kriposim dhe i lëmë 15 minuta që të nxjerrin ujë. I shtrydhim fort me duar që të largojmë lagështinë e tepërt. Shtojmë piperin, hudhrën, niseshten dhe të bardhat e vezës. I përziejmë derisa të lidhen mirë. Ngrohim pak vaj në tigan. Hedhim me lugë masën në tigan dhe formojmë qoftet. I skuqim nga të dy anët në zjarr mesatar derisa të marrin ngjyrë të artë.

Këshilla nga Albana: Shërbeji me kos të ftohtë me kopër ose me një salcë me kos dhe hudhër. Mund t’u shtosh edhe pak djathë të bardhë në brumë për një version më të pasur.

MC/ReportTv.al
Komento

Komente

  • Sondazhi i ditës:

    Mendoni se rinumërimi i 44% të kutive të votimit do ndryshojë rezultatin?