Qofte me miell misri dhe djathë
Përbërësit:
- 2 gota miell misri
- 3-4 gota ujë
- 3-4 lgj vaj për brumin
- 1/2 lk sodë buke
- 3 vezë
- 4-5 lgj djathë i grirë
- Majdanoz i grirë
- Kripë, piper, nenexhik
- Vaj për skuqje
Përgatitja:
Në një tenxhere me ujë të vluar me kripë dhe yndyrë, hedhim miellin e misrit të situr bashkë me sodën e bukës. E përziejmë që të bëhet një masë e trashë dhe e pjekim sipër zjarrit derisa të shkëputet nga anët e enës. Pasi masa të ftohet, shtojmë vezët, djathë të grirë, maidanoz të grirë, kripë, piper, nenexhik. E trazojmë mirë brumin dhe i japim formë rrumbullake qofteve. I lyejmë me pak miell gruri, i skuqim dhe i servirim të nxehta.
Komento
