Receta

Qofte me miell misri, djathë e nenexhik nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

13 Shkurt, 13:07| Përditesimi: 13 Shkurt, 13:09

  • Share

Qofte me miell misri, djathë e nenexhik

Përbërësit:

  • 2 gota miell misri
  • 1/2 lk sodë
  • 3 vezë
  • 5 lgj djathë kaçkavall dhe të bardhë
  • 3-4 gota hirre
  • Pak miell gruri
  • Nenexhik
  • Kripë, piper, turmerik

Përgatitja:

Vendosim fillimisht hirren në një tigan të gjerë dhe sapo uji të marrë valë shtojmë pak kripë dhe hedhim gradualisht miellin e misrit duke e trazuar. Ulim temperaturën e sobës dhe vazhdojmë trazimin me lugë druri. E largojmë tiganin nga zjarri që të bie nxehtësia në mënyrë që të kemi mundësi që qoftet t’i punojmë me duar. Rrahim vezët, shtojmë pak kripë, piper dhe sodën e bukës. Shtojmë vezët tek mielli i misrit, djathin e bardhë të thërrmuar dhe nenexhikun. E punojmë mirë brumin e qofteve me duar dhe më pas realizojmë qoftet, të cilat i skuqim spërkatur me miell gruri në vaj të nxehtë.

MC/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?