Qofte me mish dhe oriz në salcë domateje me qepë
Përbërësit:
Për qoftet:
- 700 gr mish i grirë
- 1 qepë e madhe
- 1 vezë
- ½ filxhan oriz
- 1 lugë gjelle vaj ulliri
- 2 lgj majdanoz i grirë
- Kripë, piper
Për salcën:
- 4 lgj vaj ulliri
- 700 gr qepë të vogla
- 400 gr domate të vogla
- 50 ml verë e kuqe
- 50 ml uthull
- 1 lgj salcë domateje
- 2 gjethe dafine
- 2 shkopinj kanelle
- 1 litër lëng perimesh
- Rozmarinë e freskët
Përgatitja:
Fillimisht përgatisim brumin e qofteve. Përziejmë mishin e grirë me qepën e grirë imët, vezën, orizin, majdanozin, kripën, piperin dhe vajin e ullirit. Formojmë qoftet në toptha të vegjël dhe i lëmë të pushojnë. Ndërkohë në një tenxhere të thellë ngrohim vajin e ullirit dhe kaurdisim mirë qepët e vogla derisa të marrin ngjyrë. I shuajmë më pas me pak verë dhe uthull dhe sapo të avullojë alkooli shtojmë salcën, domatet, rozmarinën, gjethet e dafinës, shkopinjtë e kanellës dhe lëngun e perimeve. E lëmë salcën të ziejë ngadalë për rreth 10 minuta. Më pas shtojmë qoftet në salcën që zien. Vendosim kapakun dhe e lëmë gatimin në zjarr të ulët për rreth 40 minuta, derisa salca të trashet dhe qoftet të piqen plotësisht.
Komente
