Receta

Qofte me patate dhe sallam të mbushura me djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

17 Shkurt, 11:24| Përditesimi: 17 Shkurt, 11:25

  • Share

Qofte me patate dhe sallam të mbushura me djathë

Përbërësit:

  • 500 gr patate
  • 300 gr sallam ose salsiçe
  • 200 gr djathë mozzarella
  • 2 kokrra vezë
  • 100 gr bukë të grirë
  • 1 lgj majdanoz të grirë
  • Kripë dhe piper sipas shijes
  • Vaj për skuqje

Përgatitja:

Ziejmë patatet me gjithë lëkurë derisa të zbuten. Pasi të jenë zier, qërojmë lëkurën dhe i shtypim si për pure. Heqim lëkurën e sallamit dhe e grijmë hollë ose e shtypim lehtë me pirun. Përziejmë patatet me vezët, djathin e grirë, sallamin e grirë ose të prerë hollë, majdanozin, kripën dhe piperin. Formojmë qoftet duke marrë një sasi të vogël nga masa e patateve, shtojmë një kub të vogël mozzarella në qendër dhe e mbyllim mirë që të formojmë një topth. Kalojmë qoftet në bukë të grirë që të mbulohen mirë nga të gjitha anët dhe i skuqim në vaj të bollshëm të nxehtë derisa të marrin një ngjyrë të artë dhe të bëhen krokante.

MC/ReportTv.al
Komento

Komente

  • Sondazhi i ditës:

    A besoni se zgjedhjet do ndikojnë në rrugën e Shqipërisë drejt BE-së?