Receta

Qofte me speca dhe salcë domateje nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

5 Shtator, 11:36| Përditesimi: 5 Shtator, 11:38

  • Share

Qofte me speca dhe salcë domateje

Përbërësit:

  • 2 feta bukë të bardhë
  • 1 qepë
  • ½ kg mish viçi i grirë
  • 1 vezë
  • 1 lugë e vogël uthull
  • Majdanoz i freskët
  • Vaj ulliri
  • Kripë, piper, rigon
  • 2 speca jeshilë
  • 2 speca të kuq
  • 300 ml salcë domateje
  • Pak ujë
  • Nenexhik i freskët

Përgatitja:

Lagim bukën në ujë dhe e shtrydhim mirë. Në një blender bluajmë qepën me majdanozin dhe i hedhim te mishi i grirë bashkë me bukën e shtrydhur dhe vezën. Shtojmë vaj ulliri, piper, uthull, pak uzo nëse dëshirojmë, nenexhik, rigon dhe kripë. E punojmë mirë brumin derisa të bëhet masë e butë dhe e lëmë të pushojë rreth 30 minuta. Formojmë qoftet dhe i skuqim lehtë në pak vaj ulliri, sa të marrin ngjyrë. Ndërkohë përgatisim salcën, presim specat në shirita të trashë dhe i skuqim derisa të marrin ngjyrë. Hedhim salcën e domates, kripë, piper dhe pak ujë. E lëmë të ziejë për rreth 10 minuta dhe më pas shtojmë qoftet e skuqura në salcën me speca. E lëmë për disa minuta gatimin në zjarr derisa salca të lidhet.

MC/ReportTv.al
Komento

Komente

  • Sondazhi i ditës:

    Viti i ri shkollor, sa i sigurt iu duket ambienti për fëmijën tuaj?