Qofte pule në tavë me perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. 

9 Mars 2023, 12:37| Përditesimi: 9 Mars 2023, 12:39

  • Share

Qofte pule në tavë me perime

Përbërësit:

Për qoftet:

  • 500 gr mish pule
  • 1 qepë
  • 3 thelpinj hudhër
  • 2 feta bukë
  • 1 tufë majdanoz
  • 1 ls spec i kuq
  • 1 vezë
  • Kripë, piper
  • Nenexhik

Perimet në tavë:

  • 2 patate
  • 2 karrota
  • 2 speca jeshil
  • 1 fç bizele
  • 1 fç salcë domate
  • Kripë, piper
  • Vaj për skuqje

Përgatitja:

Grijmë mishin e pulës dhe qepën, shtojmë bukën të njomur në ujë. I vendosim produktet në një tas qelqi, shtojmë vezën, kripën, piperin e zi, piperin e kuq, majdanozin dhe nenexhikun. E punojmë mirë brumin dhe realizojmë qofte të vogla rrumbullake, i pudrosim me pak miell dhe i skuqim lehtë në tigan.

Ndërkohë vendosim në një tavë patatet të prera në kubikë mesatarë, karrotat në rondele, specat dhe bizelet. I spërkasim perimet me kripë dhe piper dhe më pas shtojmë salcën e domates të holluar me pak ujë. Vendosim mbi perimet qoftet e pulës dhe e vendosim tavën në furrë të parangrohur në 180 gradë Celsius.

MC/ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?