Grupi ikonik Queen publikoi një këngë të rizbuluar me Freddie Mercury, kënga e parë e re e grupit me vokalin e njohur të këngëtarit legjendar të ndjerë. Kitaristi Brian May dhe bateristi Roger Taylor fillimisht surprizuan fansave për ekzistencën e “Face It Alone” gjatë një interviste në verë. Kënga fillimisht u regjistrua në fund të viteve 1980 gjatë seancave për albumin “The Miracle” por nuk arriti të publikohej. Ekipi i prodhimit dhe arkivit të Queen e gjeti përsëri kur filluan të punonin për një ribotim të ardhshëm të albumit, që do të publikohej në nëntor.
“Ne e kishim harruar këtë këngë”, tha Taylor në një deklaratë. “Por ja ku ishte, kjo perlë e vogël. Është e mrekullueshme, një zbulim i vërtetë. Është një pjesë shumë pasionante.”
“The Miracle”, albumi i 13-të në studio i Queen, doli dy vjet përpara se Mercury të vdiste nga pneumonia e lidhur me SIDA-n në 1991.
