Një qytetar ka denoncuar se i është vendosur një gjobë në mënyrë të paligjshme nga Rrugorja e Tepelenës, ndërsa pretendon se makina ishte në Tiranë.
“Po na vendosin gjoba pa qenë fare në ato vende”, ishte reagimi i qytetarit, që denoncoi publikisht se është gjobitur në një qytet tjetër, kur fizikisht mjeti rezultonte në një tjetër vend nga ai që ishte shënuar në fletën e gjobës.
Menjëherë pas denoncimit dhe pretendimit të qytetarit, ka ardhur edhe reagimi i Policisë Rrugore Gjirokastër.
“Policia Rrugore Gjirokastër në vijim të kontrolleve intensive me dron dhe me radar, me qëllim sigurinë rrugore, më datën 26.08.2025, kanë instaluar radarin automatik në aksin rrugor "Tepelenë-Krahës" në vendin e quajtur "Lapidari", Mogila, ku në orën 15:34, është konstatuar automjeti tip "Volkswagen Tiguan", duke udhëtuar me shpejtësi tej normave të lejuara. Meqënëse radari është automatik, punonjësi i Policisë në përfundim të shërbimit, ka plotësuar masat administrative bazuar në pamjet filmike të regjistruara nga radari automatik. Drejtuesi i automjetit në rast kontestimi, Policia Rrugore do t’i vendosë në dispozicion pamjet filmike dhe orën e konstatimit”, thuhet në njoftimin e Policisë.
Qytetari tha se është gjobitur në vlerën 1000 lekë, me pretendimin se mjeti i tij ka kryer shkelje në qytetin e Tepelenës, më datë 26 gusht 2025, ora 22:07. Ndërkohë, nga të dhënat e siguruara nga GPS-i i makinës, rezultoi se automjeti në atë moment ndodhej në kryeqytet.
Reagimi i plotë i Policisë:
“Në lidhje me një postim të publikuar në rrjetet sociale, ku një shtetas pretendon se në datën 26.08.2025, në orën 22:07, i është vendosur masë administrative në qytetin e Tepelenë, ndërkoh automjeti i tij në këtë orë ndodhej në Tiranë, ju informojmë se:
Policia Rrugore Gjirokastër në vijim të kontrolleve intensive me dron dhe me radar, me qëllim sigurinë rrugore, më datën 26.08.2025, kanë instaluar radarin automatik në aksin rrugor "Tepelenë-Krahës" në vendin e quajtur "Lapidari", Mogila, ku në orën 15:34, është konstatuar automjeti tip "Volkswagen Tiguan", duke udhëtuar me shpejtësi tej normave të lejuara. Meqënëse radari është automatik, punonjësi i Policisë në përfundim të shërbimit, ka plotësuar masat administrative bazuar në pamjet filmike të regjistruara nga radari automatik. Drejtuesi i automjetit në rast kontestimi, Policia Rrugore do t'i vendosë në dispozicion pamjet filmike dhe orën e konstatimit.
Drejtoria Vendore e Policisë Gjirokastër falenderon qytetarët dhe median për denoncimet, si dhe fton që të vijojnë të denoncojnë në numrin 112, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë, konform ligjit dhe me paanshmëri”.
Komente
Hapni syte e mos shkelni rregullat te gjithe ju burrrra qe sa hipni ne timon beheni Trima me flete e le te dale ku te dale pastaj.Mos tju vij tharte fare po paguani gjobat pa sa per ment as qe keni per te vene kurre.
PërgjigjuKjo puna e gjobave si ne rastin e mesiperm, ka te beje me ate qe data qe behet shkelja eshte e ndryshme me daten qe hidhet ne sistem shkelja ,ne sistem del dita kur rregjistrohet shkelja dhe ndodh ky fenomen, me ka ndodhur mua ne Korce , u bera nje email police rrugore Korce me pretendimin tim ,dhe ata brenda 8 oresh me ane te nje emaili me vune ne didpozicion me foto te gjithe informacionin mbi shkeljen qe kisha bere… i falenderova per menyren e sqarimit korrekt ..
PërgjigjuKjo puna gjobave ne vende te tjera esht ber gangrene .Mua personalisht me ka gjobitur 3 here Si KY tipi.fati Im QE punoj ne ushtri DHE makina regjistrohet Kur hyn e Kur del nga reparti.e kam zgjidh Duke komunikuar privatisht me policin QE Kishte vendos gjobat.
PërgjigjuGjobe 1000 lek per shpejtesi?! Po dhe ky kot per 1.000 lek eshte ankuar
PërgjigjuOti hiqet patenta për një vit në rastëse policija e konstaton me foto! Nëtë kundërten Polici të shkarkohet për shpërdorim detyre.Ses janë bo të bezdis,shëm dhe shum arrogatë,dhe hajdutër.
Përgjigju