Qytetarë të shumtë kanë shprehur shqetësim në redaksinë online të Shqiptarja.com në lidhje me kompaninë e fluturimeve "Fly Ernest", për moskorrektësinë me ndërrimin e orareve të avionëve për në Itali. Fluturimi i "Fly Ernest" për në Bergamo ishte sot në orën 16:30, me nisje nga aeroporti "Nënë Tereza" në Tiranë. Por më tej, ditën e djeshme është paralajmëruar, se fluturimi do të shtyhej në orën 00:30. Por teksa udhëtarët janë nisur drejt aeroportit për fluturimin e orës 00:30, ata janë lajmëruar në momentet e fundit, se nisja nga Tirana për në Bergamo do të bëhet në orën 01:45.
"Janë më keq se porti i Barit", shprehen qytetarët që kanë provuar të njëjtat shqetësime në udhëtimin me traget për Itali, por duket se edhe "zgjidhja" për të fluturuar më shpejt me avion, ka rezultuar edhe më problematike me kompaninë ajrore "Fly Ernest".
Komente
