Forcat e komisariatit nr 1 shpëtuan pasditen e sotme një turist i cili u gjend në vështirësi pasi kishte plagosur këmbën pranë “Shpellës së Pëllumbasit”.
I plagosur që u ndihmua nga policia quhet, Gazmend Gugalli, 42 vjeç i cili duke eksploruar zonën rrëshkiti nga lartësia dhe për pasojë ndrydhi këmbën. Pas njoftimit efektivët e policisë arritën të nxirrnin 42-vjeçarin nga rrëpira që kishte rënë. Më pas ai është dërguar në spital për të marrë ndihmën e nevojshme.
Kujtojmë se në Maj të vitit të kaluar një person humbi jetën pasi ra nga lartësia po në këtë zonë në afërsi të "Shpellës së Pëllumbasit" ku trupi i tij u gjet disa ditë pas incidentit nga polumbarët e RENEA-s.
Komento
Komente
