Kampioni i tenisit, Rafael Nadal (38 vjeç) nuk ka ndërmend ta mbyllë karrierën pas Lojërave Olimpike të Parisit. Sportisti nga Mallorca nuk u paraqit në Wimbledon për shkak të një problemi fizik, teksa do jetë në Paris ku do kërkojë medalje.
Veç saj, ai është regjistruar në US Open që mbahet në fund të vitit dhe me gjasë do jetë turneu ku do i japë lamtumirën tenisit aktiv. Për vite të gjata ai rivalizoi me Roger Federer, teksa dy sportistët këmbenin vendet një dhe dy në renditjen botërore.
Duket se veç "Paris 2024" Nadal do ketë "vallëzimin" e fundit në SHBA, pikërisht në US Open.
Nadal, fituesi i 22 turneve Grand Slam, në fakt luajti ndeshjen e tij të fundit teke më 27 maj, duke mposhtur Leo Borg (djali i Bjorn Borg) 6-3, 6-4 në 'Nordea Open' në Suedi. Ai nuk ka mbajtur një raketë në dorë që nga humbja në raundin e parë ndaj Alexander Zverev në 'Roland Garros'.
