Raketa e kompanisë SpaceX të Elon Musk, ‘Starship’, ka shpërthyer gjatë fluturimit. SpaceX, raketa më e madhe e krijuar ndonjëherë, doli jashtë kontrollit menjëherë pas lëshimit të saj nga Teksasi të enjten (6 mars) duke bllokuar fluturimet dhe duke shkaktuar rënie të mbeturinave të saj.
Ky ishte misioni i tetë për të testuar raketën, dhe dështimi i saj i dytë radhazi. Anija kozmike 123 m (403 ft) ishte menduar të rihynte në orbitën e Tokës mbi Oqeanin Indian pas një fluturimi njëorësh.
Siç raporton BBC pas shpërthimit ekipi i SpaceX tha se do të rishikonte të dhënat "për të kuptuar më mirë shkakun rrënjësor".
"Si gjithmonë, suksesi vjen nga ajo që mësojmë dhe fluturimi i sotëm do të ofrojë mësime shtesë për të përmirësuar besueshmërinë e Starship."
Më tej ata theksuan se mbeturinat duhet të kishin rënë brenda një zone të planifikuar paraprakisht dhe raketa nuk përmbante materiale toksike.
Ndërkohë Musk ende nuk ka komentuar për këtë situatë.
Komente
