Gjatë takimit me të rinjtë dhe të rejat e njësive 1, 2, 3 në Tiranë këtë mërkurë, kryesocialisti Edi Rama foli edhe për transformimin e Tiranës, kur në krye të bashkisë së kryeqytetit kanë qenë socialistët.
"Këtu ka qenë një bërllog që quhej “Tregu Elektrik”, i mbushur me lloj-lloj frigoriferësh, lavatriçesh sipër, tharëse flokësh Shikoni çfarë është bërë këtu! Këtu është Europë. Në të gjitha pikat ku kemi shkuar ka një ndryshim shumë të madh. Ky është një qytet që, kur unë u zgjodha kryetar bashkie, ndriçohej vetëm nga 78 llampa neoni në të gjithë pjesën e brendshme të Tiranës. Ishte i mbushur me ndërtime pa leje, rrëmujë, kioska, një tmerr. Dhe sot kjo Tiranë është një kryeqytet europian që pret 1 milionë turistë në vit. Deri para disa vitesh, në Tiranë rrinim vetëm ata që nuk kishim mundësi të shkonim gjëkundi. Sot është plot me turistë nga e gjithë bota. Na duhet të vazhdojmë ndërtimin e infrastrukturave të mëdha, ashtu siç kemi filluar",- tha Rama.
Lajmi kryesor:
Rama me të rinjtë: Shqipërinë me bufin e mori lumi! Po të ishte PS nga ’92! Negociatat duhet të mbyllen deri në 2027
K.M/I.M/ReportTv.al
