Në ceremoninë e dhënies së gradave kolonel sportistëve elitarë, kryeministri Edi Rama u ndal edhe tek paga e ushtarakëve. Rama tha se shumë shpejt ata do të paguhen me mesataren e NATO-s. Rama tha se kjo do të ndodhë brenda pak vitesh dhe jo pas 10 vitesh.
“Kjo që ne kurorëzojmë sot është edhe një arsye shumë e fortë për vajza dhe djem, të reja dhe të rinj që t’i bashkohen Forcave të Armatosura. Sot shpërblimi për ushtarin më të thjeshtë të Forcave të Armatosura të Republikës së Shqipërisë, me arsimin më të ulët, është një shpërblim I cili jo vetëm është mbi pagën minimale në mënyrë të ndjeshme por është një shpërblim që do shkojë në rritje çdo vit sepse ne I kemi rritur pagat e Forcave të Armatosura në vijim dhe do të vazhdojmë t’i rrisim dhe ambicia jonë është që të gjithë ata që veshin uniformën e Forcave të Armatosura të Republikës së Shqipërisë, kur shkojnë në misione ndërkombëtare, të mos ta shikojë asnjë nga poshtë-lart prej kolegëve të tyre të vendeve të tjera të NATO-s. ushtarakët tanë do të paguhen me mesataren e lartë të NATO-s dhe kjo do të ndodhë jo pas 10 vjetësh por në pak vitet që vijnë”, tha Rama.
Lajmi kryesor:
Sportistët elitarë ‘vishen’ me grada, nga sot pjesë e ushtrisë! Nga Luiza Gega, 3 kampionet e Kosovës te Calja, Qerimaj e Beqiri! Kush merr gradën kolonel
SI.E.//ReportTv.al