Kryeministri Edi Rama, nga Podgorica theksoi në fjalën e tij se ai dhe Abazoviç janë të gatshëm t’i kundërvihen çdo lloj konflikti në rajon, pasi Ballkani Perëndimor shtoi ai ka nevojë për inovacion e zhvillim. Rama tha se nuk kanë nevojë për heronj të rinj në Ballkan.
“Çdo gjë që provokon sherr dhe ushqen konflikt në rajonin tonë, ngado që të vijë për ne është problem dhe ne nuk jemi në asnjë mënyrë të gatshëm të bëhemi pjesë, por përkundrazi do i kundërvihemi. Duam një paqe që të funksionojë për njerëzit dhe që ata të kenë më shumë shanse, mundësi, punë e të ardhura dhe jo më shumë përralla e historia heroizmash.
Ne nuk kemi nevojë për heronj të rinj në rajonin tonë, por modele të reja që frymëzojnë të tërë se si të jemi më inovativë, efiçentë, si t’i forcojmë ekonomitë tona, të rrisim aftësitë e njerëzve tanë për të përballuar një botë që bëhet gjithnjë e më vështirë e komplekse.”
Lajmi kryesor:
Kurti s’e priti në takim, Rama: Nuk shkova për t’u martuar me të, nuk ndihem i fyer! Kam për borxh ta ftoj në takimin informal me BE në Tiranë
SI.E.//ReportTv.al