Kryeministri Edi Rama ka ndarë disa pamje nga kantieri i autostradës Tiranë-Durrës, për të cilën thotë se do të shndërrohet në një autostradë të kategorisë A, dhe do të lehtësojë ndjeshëm qarkullimin e automjeteve. Kreu i qeverisë shton se ky aks do t’i japë kryeqytetit një hyrje të re më dinjitoze.
“Mirëmëngjes dhe me kantierin e Superstradës Tiranë-Durrës, e cila po shndërrohet në një autostradë të kategorisë A, çka do të lehtësojë ndjeshëm qarkullimin e automjeteve të panumërta në këtë aks dhe do t’i japë Tiranës një hyrje ende më dinjitoze, ju uroj një ditë të mbarë”, shkruan Rama.
Një ditë më parë, kreu i qeverisë kreu edhe inspektimet në këtë aks, ku janë kryer rreth 30% e punimeve. Sipas kryeministrit, synimet janë që brenda dhjetorit aksi të jetë dorëzuar, sipas parametrave europiane.
‘Është një aks që do të ndikojë shumë në lirimin e trafikut sidomos në anën tjetër. Mund të ketë dhe një marrëveshje me bizneset për të ndihmuar në avancimin e këtij procesi. Ky është një investim që nuk do ndikojë vetëm për biznesin por edhe për turizmin.”, tha Rama.
Komente
Asnje permiresim nuk sjell.. permiresimi vjen vetem nga kryqezimet dhe mbikalimet …!
Përgjigju