Kryeministri Edi Rama ndërsa ka publikuar pamje nga punimet në Unazën e Madhe të Tiranës, ka bërë me dije se ka përfunduar nënkalimi në zonën e ‘Astirit’ dhe ndërtimi i rrugëve paralele.
Galeria numër 5 në unazën perëndimore, në nyjën e sheshit Shqiponja, Rama nënvizon se sipas tij është drejt përfundimit.
“Kantieri i Unazës së Madhe i Tiranës, papushim në punë. Drejt përfundimit Galeria numër 5 në unazën perëndimore, në nyjën e Sheshit Shqiponja. Në lotin 2 ka përfunduar edhe ndërtimi i nënkalimit në zonën e Astirit dhe ndërtimi i rrugëve paralele”, shkruan Rama.
Unaza e Madhe e Tiranës përbën një segment prej 27 kilometrash të gjatë dhe përfundimi i saj është premtuar se do të bëhet në vitin 2023, por sa do të jetë e mundur mbetet për t'u parë.
