Edvin Kulluri ka reaguar në lidhje me propozimin e kryeministrit Edi Rama për masa deri në mbylljen e rrjeteve sociale TikTok dhe Snapchat, pas ngjarjes tragjike të ndodhur më 18 nëntor, ku 14-vjeçari, Martin Cani ndërroi jetë pasi u qëllua e thikë nga bashkëmoshatari i tij pranë shkollës Fan Noli në kryeqytet.
Në një postim në rrjetet sociale, Kulluri shprehet se mbyllja këyre rrjeteve sociale është rruga më e shkurtër për të adresuar një çështje që ka tronditur shoqërinë tonë, ndërsa thekson se këtu bëhet fjalë për jetën e të rinjve.
Reagimi i plotë:
Dhuna tek te rinjtë dhe kriminaliteti në rritje nuk është çështje bllokimi te Tik-Tok apo Snapchat! Është çështje modeli jetese, jo vetëm në shkolla por edhe në rrugët e lagjet e qyteteve!
Nga ta nisësh më parë: nga të rinj që punojnë roje në shtepitë e barit apo trafikojnë drogë e lajnë hesapet në Shqipëri; nga hashashizimi i Shqipërisë në vitet 2015-2016; mundesitë e ulta që prodhon modeli ekonomik për të jetuar me punë; ekonomia e pastrimit të parave që ka pushtuar sektorin e ndërtimit dhe ekonominë; dhuna verbale dhe fizike që prodhojnë politika në parlament dhe media; dhuna që promovojnë mediat duke prodhuar pa fund debate dhe emisione për krimin; paaftësia e sistemit arsimor dhe policisë në parandalimin e dhunës në shkolla?
Të mbyllësh Tik-Tok dhe Snapchat është rruga më e shkurtër dhe mediokër për të adresuar një çështje që ka tronditur gjithë shoqerinë pas ngjarjeve të javëve të fundit!
Nëse Rama mendon se “kaq ishte” dhe problemi u zgjidh, jo vetëm që nuk është zgjidhje por vetëm “më ka cu nana me la gojën”! Këtu bëhet fjalë per jetën e të rinjve që nuk ka më vlerë! Në qender të politikës është njeriu dhe jo rrugët apo fasadat! Po humbim njeriun dhe do na mbetet tallavaja!
Komente
Njeriu mund te jetoj shume mire edhe pa rrjete soziale shkoni punoni.
PërgjigjuPo u mbyllën rrjetet sociale, me shumë do të rritet krimi se njerëzit nuk dinë më të komunikojnë me njerëzit.
Përgjigju