Kryeministri Edi Rama ka publikuar një video mëngjesin e sotëm ku tregon zbatimin e projektit për realizimin e nyjës së Milotit, rrugë që sipas tij kishte mbetur rrugëve prej vitit 2011.
Sipas tij, projekti do te pasohet nga rruga e re Milot-Balldren, me vlerë 16 mln USD dhe me impakt te madh edhe për integrimin e shumë rrugëve të tjera dytësore. Rama e mbyll me këtë njoftim, duke iu uruar një ditë mbarë të gjithëve.
MIRËMËNGJES
dhe me këtë projekt të ri që sapo ka nisur të zbatohet për realizimin e nyjes së Milotit, (pjesë e rrugëve të mbetura rrugëve, qysh nga vitit 2011 dhe që do të pasohet së shpejti nga rruga e re Milot-Balldren) me vlerë 16 mln USD dhe impakt të konsiderueshëm jo vetëm në lëvizshmërinë e sigurinë e aksit kryesor, po edhe në integrimin e shumë rrugëve dytësore me infrastrukturën kombëtare, ju uroj një ditë të mbarë.
Kryeministri Edi Rama në Facebook