Kreu i Partisë Socialiste Edi Rama ka folur ditën e sotme në Skrapar lidhur me fushatën elektorale. Rama ka bërë batuta në fund të takimit duke replikuar me një burrë nga salla, i cili dëgjohet tek i thotë kryesocialistit ‘i kemi të sigurta dy depuete në Skrapar’.
Më pas Rama i ka thënë me humor, se ‘e sigurt është kur të dali kutia e votimit’. Më tej kreu i PS-së ka vijuar duke i thënë të pranishmëve ‘e shikon burri, që thotë mos e vrit mendjen, kurse gratë nuk flasin’.
'Skrapari me dy deputetë do ishte kryevepër. Prandaj jepini forca, mblidhini të gjitha forcat. Edhe sidomos gratë dhe vajzat këtu. E sigurt me dy kur te dali kutia e votimit. E shikon burri. Burri thotë mos e vrit mendjen, gratë nuk flasin por ama bëjnë punën. Burri thotë mos ki merak, dy binjak i ke. Ku i bën dot ti dy binjak? Ti s'bën dot fëmijë mor lumadh, gratë s’flasin por të nxjerrin dy binjakë. '-tha Rama
Lajmi kryesor:
Rama ‘thumb’ Metës nga Skrapari: Bufi erdhi në pushtet në 2005-ën, pas tradhtisë brenda së majtës! Në mandatin e katërt, rruga Berat-Skrapar do jetë vetëm 30 minuta (VIDEO)
H.K/r.k./ReportTv.al