Kryeministri Edi Rama u shpreh se Tirana këtë vit njohu një bum turistësh si asnjëherë më parë. Në fjalën e mbajtur në Asamblenë Kombëtare të PS, Rama tha se kryeqyteti shqiptar u pushtua këtë vit nga turistët.
“Kryeqyteti që deri dje kur vinte korriku banohej vetëm nga punonjësit e shtetit dhe nga ata që nuk kishin makinë për të ikur në Durrës, këtë vit u pushtua nga turistët. Rrugë më rrugë dhe shtëpi më shtëpi duke sjellë një lumë të pataksuar parash direkt në arkat e familjeve. Nga apartamentet dhe nga dhomat e dhëna me qira përmes sistemit Airbnb. Një fenomen i ri i qiradhënies për turistët. Aeroporti i Tiranës gati njësoj apo më shumë sesa aeroporti i Beogradit. Kush mund ta imagjinonte këtë 10 vite më parë. Kur në kryeqendrën e Jugosllavisë uleshin turistë nga tërë Europa në Rinas zbrisnin një grup ‘marsianesh’. Kemi 6 fishuar numrin pasagjereve në aeroportin e Tiranës. Është fantastike. Janë mbi 200 mijë fluturime në ditë që e mbajnë hapur aeroportin për të shërbyer gjatë gjithë këtij sezoni që ende nuk ka mbaruar.’- tha Rama.
Lajmi kryesor:
Asambleja e PS-së, Rama: Shqipëria e 2030-ës kampione e rajonit në turizëm! Do të ndryshojmë statusin e investitorit strategjik
M.Q.//ReportTv.al