Deri më 31 korrik të gjitha bizneset që e ushtrojnë aktivitetin në buzë të rrugëve kombëtare duhet të lirojnë hapësirat e zaptuara dhe të respektojnë distancën 20 metra nga kanalet e rrugës. Kryeministri Edi Rama thotë se bizneset kanë 7 ditë kohë për të çliruar rrugët kombëtare nga rraqet ose në të kundërt do të përballen me masa të rënda ndëshkimore.
Përjashtim do të ketë për bizneset e ndërtuara me leje, për të cilat Rama po ashtu paralajmëron një riorganizim të hapësirës së tyre. Sipas kryeministrit së shpejti do tu dorëzohet një plan i ARRSh-së, i cili do të parashikojë riorganizimin për bizneset me leje, ku Rama thotë se gardhet kufizuese do t;i tërheqin në maksimumin e mundshëm.
“Ka nisur edhe përpjekja për çlirimin e buzërrugëve kombëtare nga rraqet e llojllojshme të bizneseve anë rrugës. Bizneset në anë të segmenteve rrugore kanë afat deri në 31 korrik për të larguar vetë çdo lloj materiali që ndodhet më pak se 20 m nga aksi i rrugës, që është edhe distanca ligjore e sigurisë - përjashtuar objektet e ndërtuara me leje, po jo materialet në oborret e tyre të përparme, gardhet e të cilëve po ashtu do të duhet të tërhiqen në maksimumin e mundshëm, sipas projektit që do t’u dorëzohet më tutje nga ARRSH.
Mbajtja buzë rrugëve e rraqeve si këto në foto apo të tjera, nga materialet ndërtimore tek inertet dhe makinat e vjetra e me radhë, përtej afatit të paralajmëruar do të shoqërohet me masa të rënda ndëshkimore sipas parashikimeve ligjore në fuqi”, shkruan Rama.
Nëse bizneset nuk marrin masa vetë për lirimin e hapësirave, atëherë do të ndërhyjë IKMT-ja si dhe do të aplikohen gjoba, të cilat as nuk do të fshihen e as nuk do të falen. Masat ndëshkuese do të shkojnë deri në kallëzim penal.
Rama thotë se Shqipëria po troket në derë e BE dhe se nuk do të lejohet më që bizneset të ushtrojnë aktivitetin e tyre ekonomik në dëm të komunitteit e mjedisit.
“Tanimë Shqipëria po troket në derën e Bashkimit Europian dhe kjo fazë kalimtare e ushtrimit të aktivitetit ekonomik në dëm të komunitetit e të mjedisit në tërësi, po edhe të sigurisë së qarkullimit në rrugët kombëtare në veçanti, duhet të konsiderohet e mbyllur. Nga të gjithë dhe me mirëkuptimin më të madh kombëtar, për Shqipërinë 2030 në BE”, shkruan Rama.
Po ashtu, do të ngrihet një task-forcë që do të jetë në terren gjatë këtyre ditëve për të monitoruar dhe këshilluar bizneset.
Komente
Thjesht aksione per show.Te njejtin urdher pati leshuar kryeministri dhe para ca vitesh po u 10 fishuan bizneset buz rruges.
PërgjigjuKur do mbreti si behet me sekonda... po nuk u be kete 4 vjecar nuk ka per tu ber me si Komb ky. Se ska me jo saliu jo iliti e ke te gjithe tendin kombin tani jepi drejtim babuç...
Përgjigju.me se e vertete.shyqyr qe u erdhi dita e lirimit te hapesirave publike se na kishin marre frymên. Tani mbeti per tu pare çmimet e cilesia e produkteve sidomos bylmetit. Pa shije .mbetem duke u helmuar e hame çdo gje me frike se nuk ka kontrolle nga organi kopetent