Deklarata e bërë nga Sergio Ramos pas përfundimit të sfidës mes Ajaxit dhe Realit të Madridit, i cili e pranoi se e kërkoi qëllimisht kartonin e verdhë për të mos luajtur ndeshjen e kthimit . është bërë shkak që ndaj tij të shpërthejnë shumë polemika.
“Do të gënjeja nëse do të thosha se nuk e bëra me qëllim atë ndërhyrje, por ndonjëherë në futboll duhet të marrësh vendime me peshë”, u shpeh Ramos me anë të një shkrimi në Twitter, po ky postim i tij u fshi pak minuta më pas duke pasuar pasuar me një shkrim tjetër.
“Gjatë një ndeshjeje duhet të marrësh një vendim në pak sekonda, por lajmi i mirë është fitorja, lajmi i keq është se nuk do të luaj në ndeshjen e kthimit. Më vjen keq që do t’i lë vetëm shokët e skuadrës, por kartonin e verdhë nuk e mora me qëllim. Do të jem në stadium dhe do t’i mbështes nga tribuna”, u shpeh në postimin e tijtë dytë mbrojtësi i Realit.
Ylli i Real Madridit rrezikon ndëshkimin nga ana UEFA-s, që pritet të jetë pezullimi i tij me dy ndeshje.
Komente
