Në koncertin e Rita Orës nuk ka munguar as kryeministri i Kosovës, Ramush Haradinaj. Haradinaj ka vendosur ta ndjekë koncertin nga një pikë kyçe e qytetit, nga ajo e tarracës së Bashkisë së Tiranës.
Ai ka qenë i shoqëruar nga kryebashkiaku Erion Veliaj. Haradinaj ka ndarë me miqtë e tij emocionet nga performanca e këngëtares me origjinë kosovare, Rita Ora.
“Ishte kënaqësi që së bashku me të parin e Tiranës, Erion Veliaj, ta shijonim performansën magjike të Rita Orës. Të mbushë me krenari prania e sontme në sheshin “Skënderbej” të Tiranës, që tuboi shqiptarët nga të gjitha hapësirat”- është shprehur ai.
Komento