Pasi Komisioni Evropian paraqiti kornizat e negociatave për bisedimet e zgjerimit me Shqipërinë raportuesit e përhershëm të Parlamentit Evropian për Shqipërinë Isabel Santos dhe Maqedoninë e Veriut Ilhan Kyuchyuk , kanë kërkuar që ajo të miratohet sa më parë dhe të mund të ecet përpara me anëtarësimin dhe mbajtjen e Konferencave të para ndërqeveritare. me Shqipërinë dhe
“Ne u bëjmë thirrje Shteteve Anëtare që të miratojnë tekstet e kornizave pa vonesë, duke lejuar që të mblidhen konferencat e para ndërqeveritare me secilin vend deri në fund të këtij viti. Është thelbësore që kornizat të funksionalizojnë metodologjinë e zgjerimit, duke rritur besueshmërinë, parashikueshmërinë dhe mbikëqyrjen politike, ndërsa sigurojnë që bisedimet të përparojnë në varësi të meritave të vetë vendeve. Kriteret e Kopenhagenit dhe angazhimi për marrëdhënie të fqinjësisë së mirë mbeten në qendër të procesit të zgjerimit,” thuhet në deklaratë.
Hapja e menjëhershme e bisedimeve të pranimit është një njohje e qartë e hapave kryesorë në kryerjen e reformave në të dy vendet, por kjo nuk është garanci e anëtarësimit.
Kuadri negociues përcakton udhëzimet dhe parimet për bisedimet e pranimit me vendet kandidate. Pas një propozimi nga Komisioni Evropian, Shtetet Anëtare të BE e miratojnë atë dhe Presidenca e Këshillit e paraqet në fillim të negociatave. Këshilli Evropian vendosi të hapë negociatat e pranimit me Shqipërinë dhe Maqedoninë e Veriut në 26 Mars 2020, pas propozimeve të Komisionit për një metodologji të rishikuar të zgjerimit.
