Laç- Një fëmijë i kopshtit nr.1 të qytetit të Laçit është prekur nga dizanteria intestinale.
Rasti është konfirmuar diten e enjte, 13 shkurt, pas analizave të kryera. Ai kishte shfaqur temperaturë dhe probleme të tjera shëndetësore për disa ditë më radhë.
Fillimisht u trajtua në Spitalin e Laçit, por gjendja e tij nuk u përmirësua dhe u vendos të dërgohet në QSUT.
Bashkia e Kurbinit ka vendosur mbylljen e kopshtit dhe ka nisur dezinfektimin e ambjenteve të tij. Gjithashtu u janë bërë analizat të gjithë famijeve dhe priten përgjigjet, ndërsa kopshti do të qëndrojë i mbyllur deri në kontrollin e plotë shëndetësor të fëmijëve.
-Çfarë është Disenteria?
Dizenteria është një infeksion i zorrëve që shkakton diarre të rëndë me gjak dhe mukus. Ajo mund të shoqërohet me dhimbje barku, ethe dhe dehidrim. Ky infeksion zakonisht shkaktohet nga: Bakteret (p.sh. Shigella dhe Salmonella). Parazitët (p.sh. Entamoeba histolytica, e cila shkakton dizanterinë amebike)
Dizenteria përhapet kryesisht përmes ujit ose ushqimit të kontaminuar dhe higjienës së dobët. Trajtimi varet nga shkaktari dhe mund të përfshijë antibiotikë (për infeksionet bakteriale), ilaçe kundër parazitëve, si dhe hidratim për të parandaluar dehidratimin.Nëse ke simptoma të rënda, është e rëndësishme të kërkosh ndihmë mjekësore sa më shpejt.
Simptomat e dizanterisë
Simptomat ndryshojnë në varësi të shkaktarit, por zakonisht përfshijnë: Diarre e rëndë (shpesh me gjak dhe mukus, dhimbje barku dhe ngërçe, ethe dhe temperaturë, të përziera dhe të vjella, lodhje dhe dobësi, humbje e oreksit, dehidrim (gojë e thatë, urinim i rralluar, dobësi e përgjithshme).
Mjekimi i dizanterisë
Trajtimi varet nga shkaku dhe ashpërsia e sëmundjes: Rihidratimi, pirja e shumë lëngjeve për të shmangur dehidratimin, përdorimi i solucionit oral rehidrues (ORS), antibiotikët (për dizanterinë bakteriale – Shigella, Salmonella). Ushqime të lehta si oriz, banane, bukë e thekur dhe supë, shmangja e ushqimeve të yndyrshme dhe të pasura me fibra gjatë sëmundjes.
Higjiena dhe parandalimi
Larja e duarve me ujë dhe sapun. Përdorimi i ujit të pastër dhe shmangia e ushqimeve të ndotura. Nëse simptomat janë të rënda ose zgjasin më shumë se disa ditë, është e domosdoshme të konsultohesh me një mjek për trajtim të duhur.
Foto: Kopshti i mbyllur ne Laç
Kryetarja e bashkisë së Laçit, Majlinda Cara deklaroi se është ngritur një grup pune për verifikimin e rastit dhe sipas rekomandimeve të specialistëve të Shëndetit Publik është kryer dezinfektimi i ambjenteve të kopshtit i cili do të qëndrojë i mbyllur deri në kryerjen e kontrolleve mjekësore të të gjithë fëmijëve të tjerë.
Ditën e djeshme jemi informuar nga Njësia Vendore e Kujdesit Shëndetësor që një fëmijë i Kopshtit Nr. 1 Laç është diagnostikuar me dizanteri intestinale dhe po trajtohet në QSUT.
Menjëherë kemi ngrit një grup pune për verifikimin e rastit dhe sipas rekomandimeve të specialistëve të Shëndetit Publik është kryer dezinfektimi i ambjenteve të kopshtit i cili do të qëndrojë i mbyllur deri në kryerjen e kontrolleve mjekësore të të gjithë fëmijëve të tjerë.
Në vijim, prindërit e fëmijëve do të mbahen në kontakt nga stafi i këtij kopshti.
Komente
