Hartës së të prekurve me COVID-19 i është shtuar edhe Poliçani, nisur nga kjo kryetari i bashkisë Adriatik Zotkaj ka urdhëruar mbylljen e të gjitha shërbimeve deri më datën 12 prill. Qytetarët e Poliçanit nuk mund të marrin shërbim në bashki përgjatë kësaj jave.
Zotkaj e konsideron këtë një masë ekstreme për komunitetin por e gjitha kjo sipas tij është për të mos rrezikuar jetën e komunitetit. Në reagimin e tij në rrjetet sociale ai thotë se këto masa po merren në konsultim me mjekët e spitalit Poliçan, pasi i gjithë stafi mjekësor ka qenë në kontakt me pacientin e infektuar me COVID-19. Pak ditë më parë ai vendosi një postbllok për të ndaluar hyrjen në qytet.
//ReportTv.al
Komento
