Sport

Real Madrid humbet Hazard për ‘El Clasicco-n’, në diskutim edhe ‘ylli’ tjetër i ekipit

5 Dhjetor 2019, 15:38| Përditesimi: 5 Dhjetor 2019, 15:39

  • Share

EL Clasico-s së shtyrë për më 18 dhjetor pas trazirave në Katalonjë do t’i mungojë një ‘yll’ në fushë si Eden Hazard. Padiskutim ky mund të konsiderohet një lajm i mirë për Barcelonën, ndërsa nga ana tjetër është një mungesë e madhe për Realin e Madridit, që duhet t’ia dalë pa futbollistin më të shtrenjtë të blerë në merkatone  verës.

Hazard u dëmtua një javë më parë në ndeshjen që Real Madrid luajti në Champions League kundër Paris SG. Fillimisht Zidan tha se ishte një problem i vogël, por sot mediat në Spanjë raportojnë se Hazard ka një frakturë të kosniderueshme në gjurin e djathtë.

Gjithsesi Hazard mund të mos jetë mungesa e vetme e Real Madrid në El Clasico-n me Barcelonën. Te ‘galaktikët’ në diskutime është edhe Marcelo, i cili sap o ishte kthyer nga një dëmtim që e mbajti për një periudhë jo të vogël larg fushave.

Nga ana tjetër e sigurtë për Barcelonën është se të padisponueshëm do të ketë francezin Ousmane Dembele.

 

Ne.k./ReportTv.al
Komento

Komente

  • Sondazhi i ditës:

    Produkte me pesticide, sa besim keni te siguria ushqimore në Shqipëri?