Në Madrid nuk do ketë më "Santiago Bernabeu". Klubi i Real Madrid ka vendosur që për qëllime komerciale të ndryshojë emrin e stadiumit në "The Bernabeu".
Sipas Marca ndryshimet janë të dukshme vetëm në disa veprime marketingu dhe tregtimi. Faqja e internetit e stadiumit quhet Bernabeu, siç është edhe profili i tij zyrtar në rrjetet sociale.
Turneu i stadiumit quhet 'Bernabeu Tour', madje dhurata që klubi ofroi në mbledhjet e Krishtlindjeve, një model i stadiumit, është pa emrin Santiago. Provat e para që janë bërë në fasadën e stadiumit për të varur emrin janë bërë pa emrin e presidentit legjendar, vetëm me mbiemër, Bernabeu.
Modelet e stadiumit shiten gjithashtu me atë emër në dyqanin zyrtar. Duket se një "erë e re fryn" për Real Madrid.
Komento
Komente
