E përditshmja spanjolle “AS” bën me dije se Reali i Madridit është i interesuar për të blerë yllin e Manchester Cityt, Rodri (Rodrigo Hernandez Cascante).
Fituesi i çmimit “Topi Artë 2024” konsiderohet si një figurë e rëndësishme, e cila mund të marrë në dorë mesfushën e Real Madrid pas tërheqjes së Toni Kroos.
Edhe pse është ende herët të flitet për shifra mësohet se klubi madrilen do të tentojë gjithçka për ta marrë Rodrin në “Bernabeu”.
Në këtë tratativë mund të ndikojë edhe situata në të cilën ndodhet skuadra e Cityt, e cila është në gjyq për shkak të bilanceve dhe sponsorizimeve të dyshimta. Nëse “Qytetarët” do të dënohen, atëherë shanset për transferimin e Rodrit në Madrid shtohen ndjeshëm.
Komento
