Një ndërhyrje delikate është realizuar me sukses në spitalin e Vlorës. Një pacient 59-vjeçar, i cili kishte humbur shikimin për shkak të komplikacioneve nga diabeti, ka rifituar ndjeshëm shikimin falë ndërhyrjes së suksesshme.
Rasti u bë me dije nga ministrja e Shëndetësisë dhe Mbrojtjes Sociale, Albana Koçiu, e cila e vlerëson spitalin rajonal të qytetit bregdetar si një qendër ekselence rajonale për shërbimet e okulistikës.Teksa shpreh mirënjohje për ekipin mjekësor, ministrja thotë se një rezultat i tillë vjen edhe falë investimeve të reja.
"Spitali Rajonal i Vlorës, një qendër ekselence rajonale për shërbimet e okulistikës.
Së fundmi, u realizua me sukses një ndërhyrje delikate tek një pacient 59-vjeçar, i cili kishte humbur shikimin nga komplikacionet e diabetit. Pas trajtimit, ai rifitoi ndjeshëm pamjen dhe shpresën për një jetë më të pavarur.
Ky rezultat behet me domethenes falë investimeve në kabinetin e ri të okulistikës, të pajisur me teknologji moderne dhe paketat e rimbursuara të vitrektomisë, që garantojnë trajtime falas, pa nevojë për referim në spitale të tjera.
Mirënjohje për ekipin mjekësor: Dr. Kemal Ylsek, Dr. Edmond Isufaj, Dr. Dilaver Haskaj, Dr. Ëngjëll Lazaj, Dr. Odela Risilia dhe infermiere Kleoniqi Mustafaraj”, shkruan ministrja.
Komente
Ne Europe te tilla nderhyrje jane bere qe nga viti 1980.
Përgjigju