Protesta qytetare pas vra sjes së 25 vjeçarit Klodian Rasha ishte krejtësisht legjitime. Ndodhin kudo në botë protesta të tilla. Ato janë prova të një shoqërie të shëndetshme, e cila ngre zërin, shpesh pse jo edhe dorën, atje ku sheh padrejtësi. Jo për të bërë gjyqe, por mbi të gjitha për të dhënë sinjale të fuqishme, se ngjarjet e izoluara siç ishte edhe kjo e ndodhur në Shqipëri, duhet të mbeten të tilla, pra të izoluara. Janë pra, një këmbanë alarmi të cilës populli i bie për veshët e autoriteteve, që këto të vihen në lëvizje dhe të marrin masa që, e para fajtorët të marrin dën imin, dhe e dyta, këto ngjarje të mos shndërrohen në fenomene.
Për fat të keq, ashtu si dhe në raste të tjera krejt legjitime edhe kjo u shndërrua, nga një shans për shoqërinë që të demonstronte kulturën e protestës dhe mospajtimin me asnjë formë të padrejtësisë, në një vegël të ndryshkur në duart e “mjeshtrave” që lëvizin fijet në prapaskane, nga selia e SHQUP-it buzë Lanës e deri tek presidenca.
Thirrja e dëshpëruar e udhëheqësit të protestës, apo “Azem Hajdarit të dytë” siç e quan ai veten, drejtuar Ilir Metës ishte konfirmimi më i mirë, se prej ku vinin urdhërat për adoleshentët që thyenin semaforë dhe u vinin flakën koshave dhe pemës së Vitit të Ri.
Edi Rama i shndërroi në rebelë pa kauzë gjatë ditës së djeshme. Pasi vizitoi shtëpinë e të ndjerit, kreu i qeverisë kërkoi ndjesë publike për familjen dhe konfirmoi dorëheqjen e Ministrit të Brendshëm.
Por rebelët e mbetur pa kauzë nuk kishin dalë për të protestuar për Klodian Rashën.
Rebelët pa kauzë ishin rikthyer një vit e shumë muaj më vonë, për t’i vënë flakën Tiranës, sepse përgjatë gjithë 2019-ës kishin dështuar.
Rebelët pa kauzë janë seria e radhës e skenarëve që si motiv kryesor kanë vdekjen, zjarrin dhe shkatërrimin.
Rebelët pa kauzë që thonë se “do e djegim Tiranën” janë produkt i të njëjtës mendje që krijoi Babalen, që doli nga Kuvendi dhe pastaj shkonte tek Kuvendi për t’i bënë zjarrin nga jashtë.
Rebelët pa kauzë janë produkt i mendjes që tentoi t’i vinte flakën Shqipërisë sepse dikush e ka bindur që zgjedhjet fitohen larg prej kutisë së votimit
Rebelët pa kauzë janë produkt i mendjes që flet për vdekje nga mëngjesi në darkë dhe shpërndan me whatsapp fotografi mo rgu nëpër televizione.
Rebelët pa kauzë janë produkt i mendjes që mendon se një aksident fatkeq, i ndodhur në një rrugicë të errët të periferisë së kryeqytetit, është shansi i madh që do i sjellë në pushtet pas pak muajve. Eshtë e njëjta mendje e fytyrës së skalitur përditë në televizione duke shpallur plane, vdekje, katastrofa, zi dhe që papritur është zhdukur, si dora e fshehur pas gurit të hedhur.
Komente
Ik ore idiot. ata nuk jane rebel. Ata jane te deshperuar qe su ka mbet asnje gje, as ne shpirt e as ne sofer. Gazetar kshtu si puna jote jane linfa e kti lloj kanceri.
Përgjigju